Poio Recicla

No ano 2017 contactou con nós a empresa Valoriza, que realiza o servizo de recollida selectiva de residuos para o Concello de Poio, coa idea de executar unha campaña de fomento da reciclaxe. No briefing definimos a necesidade de dar a coñecer que eran os impropios (produtos que son depositados incorrectamente), os niveis da zona e como repercuten no custo do servizo. A campaña pretendía transmitir de maneira moi visual que a reciclaxe afecta ao noso peto. En cada unha das imaxes que compoñen a campaña podemos ver como escapan os cartos, literalmente no cartel xenérico, e metaforicamente nos outros tres carteis que reflicten outros posibles investimentos en parques, iluminación ou árbores. O slogan “Poio recicla, reinviste e revive” pretendía transmitir que cando se RECICLA correctamente, o Concello aforra uns cartos que pode REINVESTIR na mellora de servizos e cada obxecto REVIVE e contribúe ao desenvolvemento sostible do planeta. Tamén editamos un folleto moi completo onde se tratan todos os tipos de residuos, colectores, servizos... e tamén uns adhesivos para os colectores onde se explica que vai en cada un. Esta mesma información está dispoñible na web do concello, xa que o adaptamos a formato dixital.