Responsábeis

Responsábeis é a marca impulsada polo Concello de Pontevedra para transmitir unha idea sinxela pero poderosa: o futuro constrúese a partir da responsabilidade compartida. A marca nace como unha chamada á acción dirixida á cidadanía, ás empresas e ás institucións, convidándoas a asumir un compromiso activo co coidado da contorna, da comunidade e do planeta, a través de decisións e comportamentos conscientes no día a día.

Dende o estudo desenvolvemos a identidade visual de Responsábeis partindo dese concepto de corresponsabilidade. O logotipo, baseado na folla como símbolo universal de natureza, crecemento e sustentabilidade, configúrase como un sistema gráfico aberto, flexible e próximo, pensado para representar a suma de accións diversas baixo unha mesma mensaxe: só actuando xuntos, de forma responsábel, é posible construír un futuro mellor.